आता कुठे...!

आहेरातल्या 'Dinner sets' नी माळ्याचा कोपरा गाठलाय,
'माझ्या' रोजच्या वस्तूंनी नव्या कपाटाचा कप्पा साठलाय,
साखरपुड्याच्या साडीनं पुन्हा एकदा बाहेरचं जग पाहिलंय,
आता कुठे आडनाव माझं तेंडोलकर व्हायला लागलंय!

आठ महिने झालेही असतील सात फेरे घेऊन,
पण अजूनही कुणी विचारलं की घरचा पत्ता?- 'मुलुंड'!
हळुहळू नवं जग मला ओळखीचं वाटायला लागलंय...
आता कुठे आडनाव माझं तेंडोलकर व्हायला लागलंय!

passport चं शेवटचं पान आता ओळखपत्र म्हणून चालत नाही!
जुन्या दोस्तानी 'कुठे असतेस?' विचारल्यावर "घरी!" म्हणून चालत नाही!
पण 'चांगल्या' चहाची नवी definition आता लक्ष्यात ठेवायला जमल्ये-
आता कुठे आडनाव माझं तेंडोलकर व्हायला लागलंय!

मोजून दोन माणसं मला 'तेंडोलकर madam' म्हणतात,
बाकी सगळे अजूनही 'आठवले junior समजतात!
दोन्ही ओळखीनं 'ओ' द्यायला मन आता तयार झालंय,
आता कुठे आडनाव माझं तेंडोलकर व्हायला लागलंय!

fast dial च्या numbers चं page बदलायला काढलंय,
कारण काळजीवाहू सरकारचं पारडं डझनावारी वाढलंय..
५०-एक नव्या म्हणींची माझ्या शब्दकोश्यात भर पडल्ये!
आता कुठे आडनाव माझं तेंडोलकर व्हायला लागलंय!

आई आणि बाबा आता प्रत्येकी दोन-दोन आहेत!
भाऊ तर होताच आता मोठी बहीणही आहे :)
प्रणवच्या मदतीनी हे 'joint venture ' होऊ घातलंय
आता कुठे आडनाव माझं तेंडोलकर व्हायला लागलंय!