वरून पाहिली माझी मुंबई इटुकली ती घरे हळूच मनात कुठेतरी माझंही घर स्मरे क्षणाक्षणानी सरकुनी अचाट अंतर केले पार नव्या दिशांचे नव्या जगाचे उघडे दिंडी द्वार ... आता उघडे दिंडी द्वार!!!
विमानाच्या खिडकीतून विस्मय दिसले सारे समोर पाहता करू लागली विमान सुंदरी हातवारे पोटामधल्या फुलपाखरांचा एक उडाला थवा विमान उड़ले आकाशात अनुभव हवा हवा ! हा हा म्हणता या पक्षाने उंच आभाळ गाठले म्हणता म्हणता कापसासारखे ढगांचे थवे साठले