केतकीची लेखणी

नव्या घरातलं पहिलं पाऊल...देवावरचं पहिलं फुल... कानातले सोन्याचे डूल...ओट्यावरची नवी चूल... उतू जाणारं दुध.. ओसंडणारा आनंद... आठवणींचा मृत्गंध...उदबत्तीचा सुगंध... खिडकीतली कोकिळा... हिरवीगार बाग... हिवाळ्याच्या पहाटे.. दूर कुठे जाग.. समुद्राच्या काठावर लाटांचा फेस पहिला गृहप्रवेश... पहिली ओलांडलेली वेस...

आई तुझ्या संसाराला चाकं तरी किती ? दहा हात-पाय तुझे म्हणून का ही गति?! माझ्यावर ती पाळी आलीय कही खरं नाही... कधी मीठ अति होई कधी अळणी राही ! हिशोबाचा पाढा रोज वाढतच जातो, पण खर्च करणं भाग आहे नाईलाज होतो... ऑफिस मधे वेगळी तर्हा, अगडबंब काम! जुळवाजुळवी करता करता, माझं राम-नाम! हार मानणार नाही मी, भले न का थको? बाकी सगळं ठीक आहे... तू काळजी करू नको!