दोघी
एकीला ध्यास सुरांचा एकाला भावतो वारा...
दोघांची ओढ मला सारखी...
ती ही आहे जवळची.. तो ही आहे प्यारा..
दोघांचा स्वभाव सारखा, तरीही आहे न्यारा...
पावसाच्या सरी आणि तानपुऱ्याच्या तारा...
कूस
या ब्लॉगवरील लोकप्रिय पोस्ट
उपास मज लागला...
उपास मज लागला गडयांनो उपास मज लागला! विठूरायाची एकादशी, गणरायाची संकष्टी, असला-तसाला नाही माझा उपास बहु कष्टी! करूनच दाखवण्याचा निश्चय आज मनी साठला, उपास मज लागला गड्यांनो उपास मज लागला! एकच इच्छा आहे माझी 'आय-फोन' एक मिळावा, कॉलेजच्या कट्ट्यावर माझा उदो-उदो व्हावा! पालकांनीही दिली मंजुरी, एकच 'पण' घातला! उपास मज लागला गड्यांनो उपास मज लागला! पिताश्रींनी केली गर्जना, संगणकी नेले, "फेसबुक एकादशी"त्याचे नामकरण केले! संगणकाचा स्पर्शही वर्ज या दशदिनी उपवासाला, उपास मज लागला गड्यांनो उपास मज लागला! उपास माझा अलग असे सोपा तर अजिबात नसे! जो जो म्हणतो "सहज करीन", तो तो या ते जरूर फासे, विचार त्याचा करुनी केवळ कंठ आज दाटला उपास मज लागला गड्यांनो उपास मज लागला! डोके भिर-भिर फिरू लागले, हात सारखा पुढे सारे, हळूच संधी घेऊन टाकू, एकाच इच्चा मनी उरे! कधी नव्हे तो या इच्छांचा अंत आज गाठला उपास मज लागला गड्यांनो उपास मज लागला! दहावा दिवस आज असे... चार तासांची मुदत दिसे, संगणकाशी आमने-सामने.. घरातही कोणीच नसे! पडलो बळी मी अखेर अश्या मोह...
वीट आलाय...
वीट आलाय... प्रत्येक गोष्ट पैश्यात मोजण्याचा... पैश्यासाठी माणसांना बोलण्याचा आणि बोलून घेण्याचा... पैसे वाचवण्याचा... पैश्याशिवाय काही भाषा नसण्याचा... वीट आलाय... सकाळी लवकर उठण्याचा... चहा करून घेण्याचा... साठीला आलेल्या कामवालीकडून निर्लज्जपणे काम करून घेण्याचा... पेपर बिल, दुध बिल, फलाना-डीमाका बिल भरण्याचा वीट आलाय... आरश्यातल्या चेहऱ्याकडे बघून सुंदर दिसण्याचे प्रयत्न करण्याचा... जुना शर्ट टाकवत नाही म्हणून परत परत वापरण्याचा... पेपरमधल्या बातम्यांनी नाराज होण्याचा... रिक्षा वाल्याशी हुज्जत घालण्याचा... वीट आलाय... आपण late येऊ तेव्हाच बॉस लवकर येण्याचा... खोटं खोटं हसून गुड मॉर्निंग म्हणण्याचा... competition च्या नावाखाली comparison करत वावरणार्यांचा... आपणही नकळत त्याचा भाग होऊन जाण्याचा... वीट आलाय... गेट मधून I-card घालून निनावी बनून कंपनीत येण्याचा... एका चुकीसाठी एक तास lecture ऐकण्याचा... लहान म्हणून हिणवून घेण्याचा... मोठं म्हणून अपेक्षांच्या ओझ्याचा... वीट आलाय... तिकीट महाग म्हणून ट्रीप कॅन्सल करण्याचा... हक्काची सुटी मिळूनही घरी न जाता येण्याचा... रविशंकर चा प्रोग्...
टिप्पण्या